Poslovne vesti - Makedonija

Најмногу се гради во Скопје, Теарце, Кочани и Гостивар

Општините во Македонија во ноември 2013 година издале 182 одобренија за градење, со вредност на предвидените објекти од 1.958.089.000 денари (32 милиони евра), објави Државниот завод за статистика.

Предвидена е изградба на 414 станови со вкупна корисна површина од 37.878 квадратни метри. Најголем број одобренија се издадени во Скопскиот регион 48, следи Полошкиот со 44 и Источниот со 30 издадени одобренија за градење.

Од вкупниот број на издадени одобренија за градење, 160 од нив, или 87,9% се наменети за објекти од високоградба, шест или 3,3% за објекти од нискоградба и 16 или 8,8% за објекти за реконструкција. На 154 издадени дозволи, или 84,6% како инвеститори се јавуваат физички лица, а на 28 објекти, односно 15,4% инвеститори се деловни субјекти.